Ekish chuqurligi va minituganak vaznining kartoshka Sante navi palak hamda ildiz massasiga ta'siri

Abstrak

Maqolada kartoshka Sante navining < 5, 6-10, 11-20 va 21-30 g vaznli minituganaklarini 4-5, 6-7 hamda 8-9 sm chuqurlikda ekishning bir tup o'simlikdagi palak va ildiz massasiga ta'siri baholandi. Uch yillik o'rtacha natijalarga ko'ra, 4-5 sm chuqurlik barcha vazn fraksiyalarida nazoratga nisbatan palak massasini 6,1-7,4%, ildiz massasini 9,8-11,1% oshirdi. Eng yuqori ko'rsatkichlar 21-30 g minituganaklar 4-5 sm chuqurlikda ekilganda qayd etilib, palak massasi 330,2 g, ildiz massasi 45,0 g ni tashkil etdi.