Piyoz ko‘chatlarining yoshi va ekish muddatlarining hosildorlikka ta’siri

Abstrak

Mazkur tadqiqotda piyoz ko‘chatlarining turli yoshlari (25, 35 va 45 kunlik) hamda ekish muddatlarining hosildorlikka ta’siri o‘rganildi. Tajriba natijalariga ko‘ra, eng yuqori hosildorlik 21–25-sentyabr muddatida 45 kunlik ko‘chatlarda (62,5 t/ga) qayd etildi. Ekish muddati kechikkan sari hosildorlikning pasayishi kuzatildi. Xususan, 20–25-oktyabrda ekishda hosildorlik 10–19 % gacha kamaydi. Olingan natijalar piyoz yetishtirishda optimal ekish muddati va ko‘chat yoshini tanlash muhim ahamiyatga ega ekanligini ko‘rsatdi.