To'g'ridan-to'g'ri xorijiy investitsiyalar oqimini boshqarish strategiyalarining nazariy asoslari va ularni tasniflashga yondashuvlar

Abstrak

Maqolada to'g'ridan-to'g'ri xorijiy investitsiyalar (TTXI) oqimini boshqarish strategiyalarining nazariy asoslari tizimli tahlil qilingan. Monopolistik ustunlik, mahsulotning hayotiy sikli, internalizatsiya, eklektik (OLI) paradigma va investitsion rivojlanish yo'li nazariyalarining qabul qiluvchi mamlakat boshqaruv strategiyasi uchun uslubiy ahamiyati ochib berilgan. Muallif yondashuvi asosida "TTXI oqimini boshqarish strategiyasi" tushunchasiga ta'rif berilgan, strategiyalarni yetti mezon bo'yicha tasniflash taklif etilgan. Tasnifga "natijaga bog'liqlik darajasi" mezoni kiritilib, hajmga yo'naltirilgan va natijaga yo'naltirilgan strategiyalar farqlangan. Strategiyaning konseptual modeli va samaradorlikni baholash ko'rsatkichlari tizimi ishlab chiqilgan. Natijalar O'zbekistonda TTXI oqimini boshqarish strategiyasini ishlab chiqish va baholashda uslubiy asos bo'lib xizmat qiladi.