In vitro usulida ekinlarni ko'paytirish va gen bankni ishga tushirish istiqbollari

Abstrak

Mazkur maqolada in vitro texnologiyasi yordamida o'simliklarni mikroko'paytirishning nazariy va amaliy asoslari yoritilgan. O'simlik to'qimalarini steril sharoitda ko'paytirishning asosiy bosqichlari, eksplantlarni sterilizatsiya qilish usullari hamda kallus hosil bo'lishi, organogenez va somatik embriogenez jarayonlari tahlil qilingan. Shuningdek, in vitro texnologiyasining noyob va endemik o'simlik turlarini saqlash, genetik resurslarni muhofaza qilish hamda gen banklarini shakllantirishdagi ahamiyati ko'rsatib berilgan. Tadqiqot natijalari ushbu texnologiyaning Qoraqalpog'iston Respublikasida agroekologik xavfsizlikni ta'minlash, biologik xilma-xillikni saqlash va qishloq xo'jaligi ekinlarini samarali ko'paytirishda istiqbolli yo'nalish ekanligini tasdiqlaydi.