O'zbekistonda qurilish loyihalarini strategik va operatsion boshqarishni takomillashtirish: gibrid modelni kontseptual moslashtirish

Abstrak

Yirik fuqarolik infratuzilmasi loyihalarida xarajatlarning smetadan oshib ketishi va ish jadvalining kechikishi keng tarqalgan muammo bo'lib qolmoqda. Ushbu tadqiqotda O'zbekiston qurilish loyihalarini boshqarishda strategik qarorlar va operatsion jarayonlarni integratsiya qilish imkoniyatlari o'rganilgan. Tizim dinamikasi va diskret hodisalar simulyatsiyasini birlashtiruvchi konseptual gibrid model mahalliy institutsional sharoitlarga moslashtirilgan. Moliyalashtirish, ekspertiza, tender, resurslarni safarbar qilish, qurilish-montaj ishlari va foydalanishga topshirish bosqichlaridagi muhim kechikishlarni aniqlash uchun rasmiy statistika, audit natijalari, davlat xaridlari ma'lumotlari hamda obyektlarni qabul qilish hujjatlaridan foydalanilgan. Taklif etilgan model ushbu bosqichlarni qayta aloqa mexanizmlari orqali bog'laydi va boshqaruv ssenariylarini amalga oshirishdan oldin baholash imkonini beradi. Xalqaro simulyatsiya natijalari faqat qiyosiy mezon sifatida qo'llanilgan. Tadqiqot gibrid yondashuv kechikish xavfini erta aniqlash, resurslarni muvozanatli taqsimlash va loyiha muddati hamda xarajatlarini izchil nazorat qilishga ko'maklashishi mumkinligini ko'rsatadi, biroq uning O'zbekiston sharoitidagi samaradorligini tasdiqlash uchun obyektlar kesimida simulyatsiya o'tkazish zarur.