Oliy ta’limda iqtisodiy fanlarni o‘qitish orqali talabalarning moliyaviy madaniyatini yuksaltirish

Abstrak

Maqolada oliy ta’lim muassasalarida iqtisodiy fanlarni o‘qitish jarayonida talabalarning moliyaviy madaniyatini yuksaltirishning nazariy-metodik asoslari va amaliy mexanizmlari tadqiq etilgan. Moliyaviy madaniyat tushunchasining mazmun-mohiyati, uning tarkibiy komponentlari (kognitiv, amaliy-faoliyatli, qadriyat-motivatsion) hamda rivojlanish darajalarini aniqlash mezonlari asoslab berilgan. Buxoro davlat universiteti iqtisodiy ta’lim yo‘nalishlari talabalari ishtirokida o‘tkazilgan pedagogik tajriba-sinov natijalari keys-stadi, loyiha metodi, moliyaviy simulyatsiya va raqamli ta’lim vositalarini iqtisodiy fanlar mazmuniga integratsiyalash talabalarning moliyaviy madaniyati darajasini statistik jihatdan ishonchli oshirishini ko‘rsatdi (χ²=7,85>χ²₀,₀₅=5,99). Tadqiqot yakunida ta’lim jarayonini takomillashtirishga doir ilmiy-amaliy tavsiyalar ishlab chiqilgan.