Davlat ishtirokidagi real sektor korxonalarining moliyaviy holatini yuksaltirishga salbiy ta'sir etuvchi omillar, ularni bartaraf etish va moliyaviy resurslardan samarali foydalanish mexanizmlari

Abstrak

Davlat ishtirokidagi real sektor korxonalarining moliyaviy holatiga salbiy ta'sir ko'rsatuvchi omillar, ularni bartaraf etish yo'nalishlari hamda moliyaviy resurslardan samarali foydalanish mexanizmlari tadqiq etilgan. Tadqiqotning maqsadi davlat ulushi mavjud korxonalarning moliyaviy barqarorligini ta'minlash, moliyaviy resurslardan foydalanish samaradorligini oshirish va davlat tomonidan qo'llab-quvvatlashning bozor tamoyillariga asoslangan mexanizmlarini takomillashtirish bo'yicha ilmiy-amaliy takliflar ishlab chiqishdan iborat. Tadqiqotda tizimli, qiyosiy va institutsional tahlil, moliyaviy koeffitsiyentlar usuli hamda sabab-oqibat tahlilidan foydalanildi. Tadqiqot natijalari davlat korxonalarining moliyaviy holatiga yumshoq budjet cheklovlari, boshqaruvdagi institutsional nomuvofiqliklar, yuqori qarzdorlik, asosiy vositalarning eskirishi, investitsion resurslardan samarasiz foydalanish hamda tijorat va ijtimoiy funksiyalarning aralashib ketishi salbiy ta'sir ko'rsatishini ko'rsatdi.