Toshkent viloyati Bo'stonliq tumani sharoitida dorivor enotera (Oenothera biennis L.) o'simligini yetishtirish uchun tuproqlarning mexanik tarkibi va agrokimyoviy xususiyatlarini baholash

Abstrak

Maqolada Toshkent viloyati Bo'stonliq tumani Yusuf ota fermer xo'jaligi tuproqlarining mexanik tarkibi va agrokimyoviy xususiyatlari o'rganilgan. Tuproq namunalari 0-30, 30-50 va 50-70 sm qatlamlar bo'yicha tahlil qilinib, ularning gumus, nitratli azot, harakatchan fosfor va almashinuvchan kaliy bilan ta'minlanganlik darajasi baholandi. Natijalarga ko'ra tuproqlar gumus bilan o'rtacha, kaliy bilan ko'p, azot va fosfor bilan esa qatlamlar bo'yicha turlicha darajada ta'minlanganligi aniqlandi. Olingan ma'lumotlar tog'oldi hududlarida tuproq unumdorligini baholash va o'g'itlash tizimini takomillashtirishda muhim ahamiyatga ega.