Transfert narxlarning iqtisodiy mohiyati va ularni shakllantirishning nazariy-uslubiy asoslari

Abstrak

Maqolada transfert narxlarning iqtisodiy mohiyati, ularning shakllanish qonuniyatlari hamda "erkin bozor sharoiti" (arm's length) tamoyilining nazariy asoslari tadqiq etilgan. Muallif tomonidan transfert narxlarni belgilashning beshta xalqaro tan olingan usuli qiyosiy tahlil qilinib, ularning O'zbekiston iqtisodiyoti sharoitida qo'llanilish imkoniyatlari baholangan. Tadqiqot natijalari shuni ko'rsatadiki, mamlakatimizda taqqoslanuvchi ma'lumotlar bazasining yetishmasligi sababli operatsion sof foyda marjasi usuli (TNMM) eng ko'p qo'llaniladigan usul bo'lib qolmoqda. Maqola yakunida transfert narxlarni shakllantirishning uslubiy bazasini takomillashtirishga qaratilgan taklif va tavsiyalar ishlab chiqilgan.