Qishloq xo‘jaligi texnik-texnologik salohiyatdan foydalanish samaradorligini oshirishda Xitoy texnologiyasini qo‘llash imkoniyatlari

Abstrak

Andijon viloyatida paxtachilikda Xitoy texnologiyalarini joriy etish natijasida hosildorlikni oshirish va suv resurslarini tejash borasida sezilarli yutuqlarga erishilmoqda. Ushbu maqolada klaster va fermer xo‘jaliklari misolida mahalliy va xorijiy g‘o‘za navlarini plyonka ostiga ekish, tomchilatib sug‘orish kabi innovatsion usullar samaradorligi tahlil qilingan. Statistika ma’lumotlari va dala tajribalari asosida innovatsion texnologiyalarni an’anaviy usullar bilan qiyosiy tahlil qilish natijasida, har gektar hosildorlikning 1,5–2 barobarga oshgani va suv sarfi 40–50 foizgacha qisqargani ilmiy jihatdan asoslangan. Shuningdek, suv tejovchi texnologiyalarni joriy etishning hududlar kesimidagi iqtisodiy natijalari baholangan.