O'zbekiston bank tizimida islom investitsiya mahsulotlarini joriy etishning korxonalar faoliyati samaradorligiga ta'siri

Abstrak

Ushbu maqolada islom investitsiya mahsulotlarining real aktivlarga asoslanishi hamda risklarni adolatli taqsimlash tamoyillari asosida korxonalarni moliyalashtirishning muqobil va samarali mexanizmi sifatidagi ahamiyati yoritilgan. Xususan, murabaha, ijara, mushoraka va mudaraba shartnomalari orqali real sektor korxonalarini moliyalashtirishning iqtisodiy mohiyati hamda ularning asosiy vositalarni modernizatsiya qilish, ishlab chiqarish hajmini kengaytirish, investitsion faollikni oshirish va korxonalarning moliyaviy barqarorligini ta'minlashdagi o'rni tahlil qilingan. Shuningdek, an'anaviy kreditlash tizimidan farqli ravishda, islom investitsiya mahsulotlarida daromadning real iqtisodiy faoliyat natijalari bilan bevosita bog'liqligi va moliyaviy risklarning tomonlar o'rtasida taqsimlanishi korxonalar faoliyatining samaradorligini oshiruvchi muhim omil ekanligi ilmiy jihatdan asoslab berilgan.